მთავარი » 2010 » იანვარი » 4 » 4 იანვარი-კათოლიკოს პატრიარქის ილია მე2-ისდაბადების დღე
14:59
4 იანვარი-კათოლიკოს პატრიარქის ილია მე2-ისდაბადების დღე
4 იანვარი სრულიად საქართველოს კათოლიკოს-პატრიარქის დაბადების დღეა.უწმინდესი და უნეტარესი ილია მეორე 77 წლის იუბილეს აღნიშნავს. სრულიად საქართველოს კათოლიკოს-პატრიარქისთვის დაბადების დღის მილოცვა მრევლს დღეს სიონის საკათედრო ტაძარში შეეძლება. როგორც საპატრიარქოს მიერ გავრცელებულ განცხადებაშია აღნიშნული, ვინაიდან მრევლის დიდი სურვილია პირადად მიულოცოს პატრიარქს დაბადების დღე, ამის საშუალება მათ მიეცემათ სიონის საკათედრო ტაძარში, სადაც მისი უწმინდესობა, სამღვდელოებასთან ერთად დღეს, 18:00 საათზე, პარაკლისს გადაიხდის და მრევლს დალოცავს. სრულიად საქართველოს კათოლიკოს-პატრიარქი ილია მეორე, ერისკაცობაში ირაკლი შიოლაშვილი, 1933 წლის 4 იანვარს ვლადიკავკაზში, გიორგი ღუდუშაური-შიოლაშვილისა და ნატალია კობაიძის ღვთისმოსავ ოჯახში დაიბადა. 1952 წელს ვლადიკავკაზის 22-ე საშუალო სკოლის დამთავრების შემდეგ სწავლა მოსკოვის სასულიერო სემინარიაში განაგრძო. 1957 წლის 16 აპრილს სასულიერო აკადემიის მე-2 კურსის სტუდენტი ილია მეორე საქართველოს მაშინდელი კათოლიკოს-პატრიარქის მელქისედეკ III-ს ლოცვა კურთხევით თბილისის წმ. ალექსანდრე ნეველის სახელობის ტაძარში ბერად აღკვეცეს და მას სახელად ილია უწოდეს. 1960 წელს კი დაამთავრა მოსკოვის სასულიერო აკადემია პირველი ხარისხის დიპლომით. 1963 წლის 26 აგვისტოს საქართველოს მაშინდელი კათოლიკოს-პატრიარქის ეფრემ მე-2-ის მიერ არქიმანდრიტი ილია ბათუმ-შემოქმედის ეპარქიის ეპისკოპოსად აკურთხეს, 967 წელს კი. ცხუმ-აფხაზეთის ეპისკოპოსად გადაიყვანეს. ორი წლის შემდეგ ილია მეორე მიტროპოლიტის ხარისხში აიყვანეს. ილია მეორემ სოხუმში 11 წელი დაყო. 1977 წელს, საქართველოს მაშინდელი კათოლიკოს-პატრიარქის დავით მე-5 გარდაცვალების შემდეგ საქართველოს მართლმადიდებელი ეკლესიის წმინდა სინოდმა კათოლიკოს ილია მეორე პატრიარქად აირჩია. ილია მეორის ინტრონიზაცია 1977 წლის 25 დეკემბერს სვეტიცხოვლის საკათედრო ტაძარში მოხდა.
4 იანვარი სრულიად საქართველოს კათოლიკოს-პატრიარქის დაბადების დღეა.უწმინდესი და უნეტარესი ილია მეორე 77 წლის იუბილეს აღნიშნავს. 
სულ: 62 
თვის განმავლობაში: 0 
საიტის ადმინი: 2 
სერვერის ადმინი: 
მოდერები: 0
მომხმარებელი: 6 
მნახველი: 54 
ქალი: 12 